Serial Glembo: Postere Kaji Dulmin Ning Gardu

Jam siji tengah wengi, gardu Cicitcuwit sing biasane dadi tempat melangkringe golongan genk Cacamarica: Glembo, Clangab, Dulcikrak, Dargembul, Dolop, Polol, Glabed, Kaprawi, Semprang lan Bluwud. Kadiparan sepi langka wang-wing, mung ana kakang Adi Kaji Kincling karo Kaji Kocol bae..

Kaji Kocol : "cling, mene gah jaluk udude, udud entok, entas mangan semur jengkol, cangkem kosi kecut, tas mangan beli ngudud, rasane kaya di tempilingi cina beli ngelawan.." (karo ngelinting sarung soke munjuk)

Kaji Kincling : "kosi banget dika kuh ya, dadi kakang kosi ngisinaken jaluk udud ning adi, titel mah kaji, kuwayang isine baka ana wong weruh.. kaji beli kuat tuku udud.."

Kaji Kocol : "aja nggerundel bae gah sira kuh kincling, kapa anu dadi imam tajug, di jaluk udude bae gah nggerundel bae, olih beli..?"

Kaji Kincling : "nyahh, kari loro sijian.." (karo ngulungaken udud)

Kaji Kocol : "haiyah, udud cap weringin, kalesan udud kampanye, udud pekir, rasane pait jimpret kaya ngudud plastik runtah, udud blenak, kaya arep mateni sing ngudude.."

Kaji Kincling : "aja akeh lewane gah kang, wis ora modal, njaluk, masih nyacat pisan.. mene beli gelem mah.."

Kaji Kocol : "aja di jaluk maning gah cling-kincling, kepokoh langka warung buka, daripada cangkem asrep, embat bae lah.. yen ana sejene mah bli sudi open, tuku samsuhh cap jirolupat.. eh cling, sira kuh, udud kampanye cap weringin kiyen olih di upai sapa..? kaji dulmin tah..? sida nyalon demang orah kanah..?"

Kaji Kincling : "olih di upai debleng, tangan kanane dulmin, yah, biasa bae gah orah, rayat mah di bajel udud bae gah meneng.. daripada mubadzir, tak terima bae uwis"

Kaji Kocol nyuled udud, bako kebrangas geni, suarane pating pratak, cangkeme langsung mencu, kebul di gawe bunder bolong-bolong ning sor lampu gardu.. Kaji Kincling rikat melu dolanan, sekali kebul bunder njelanat sing cangkem kakange, adine langsung nyoblos kebule nganggo pendudu.. kakang adi kosi kompak, dolanan kebul kaya bocah.. sing iring kulon, kesawang genk cacamarica impyag-impyagan marani gardu.. melaku bareng, tapi rada miring-miring, kayane mah entas pada pesta blenger..

Glembo : "waduuuh, kakang adi kosi kompak, kadingaren temen bareng nongkrong ning gardu, pada rembugan apa kinih Ji..? arep nyebar duit kampanye tah, mene karuane.. nggo nambah tuku maning.."

Kaji Kocol : "aja bangor gah glembo, sekali ngomong, ikuh cocot boros mambu naga kosi nyembur.."

Kaji Kincling : "pantes negara beli maju-maju, pemudane pada blenger bae.."

Glabed : "kih cah delengen, tulisan duwur gardu sing gawil-gawil olih masange lurah Debleng, anak buahe Kaji Dulmin calon demang.. ngab-Clangab wacaen ngab, sira mah rada waras, reang wis blenger.." (karo raweng-raweng saka gardu)

Si Clangab nurut bae kaya wong sutun, endase ndengak toli ngewaca tulisan: "INDRAMAYU REEEMUUUCU !"

Kaji Kincling karo Kocol kaget, awake rada njimbul rada beli percaya: "REMUCU..? sing bener gah Clangab ngewacane, aja guyon kaya wong sekolah beli tutug.."

Clangab : "bener wa Kaji, REMUCU, delengen kuh tulisane, bagen rada goblog gah kita mah duwe ijasah.. lulus asli, beli kaya sampeyan sing lair ning jaman jepang, bagen kaji gah beli sekolah sebab ngurusi perang.. mulane gah sampeyan mah beli bisa waca tulis.. di takoni akte kelahiran, sing di todokaken akte lemah sawah.. kosi banget.."

Kaji Kocol karo Kincling, ngerasa ngaku jujur beli bisa waca tulis, mulane gah beli bisa mbantah omongane Clangab, apamaning weruh entas pada blenger, bokat pada ngamuk, arane bae gah wong enom blenger, cangkem mambu Naga (ambune inungan)..

Kaji Kocol : "yawis cah, berubung kita mah wong kuna, tua lan bodo, reang arep takon jawaben sing jujur.. kapa Kaji Dulmin sing sekiyen nyalon demang gawe tulisan INDRAMAYU REMUCU ning sejagat-jagat dermayu kuh, artine apa..?"

Glembo sing lagi lende-lende ning pojok gardu arep muntah, kaligane cangkeme mbledug njawab pertanyaan: "ARTINE, BAKA KAJI DULMIN MENANG DADI DEMANG, SING MILIH BAKAL NUNGGAL DINA DI EMPANI LOTEK REMUCU.. REMUCU GEDANG CAIMULI.. PENGEN WA.. CAIMULI.. SUPAYA SAMPEYAN SING BELI BISA WACA TULIS DADI PINTER NGOCEH, KAYA MANUK JALAK..!?"

^{Penulis adalah Admin Fanpage Indramayu Kota Mangga}